Batys Qazaqstan oblysynda dropperlik shemaǵa qatysqan 19 jastaǵy 7 kolledj stýdentine sot úkimi shyqty. Olar bank shottaryn ashyp, ony alaiaqtardyń paidalanýyna bergen, dep habarlaidy ult.kz.
Tergeý dereginshe, stýdentterdiń shottary arqyly jalpy kólemi 4 mln teńge qarajat ótken.
Sot sheshimimen aiyptalýshylarǵa 3 jylǵa bas bostandyǵyn shekteý jazasy taǵaiyndaldy. Endi olar probatsiia qyzmetiniń baqylaýynda bolyp, májbúrli eńbekke tartylady. Sot sharttaryn buzǵan jaǵdaida bas bostandyǵynan aiyrý jazasy qoldanylýy múmkin.
Aita keteiik, dropperlik úshin qylmystyq jaýapkershilik 2025 jylǵy 16 qyrkúiekten bastap engizilgen. Sol ýaqyttan beri Qylmystyq kodekstiń 232-1-baby boiynsha 700-den astam is tirkelip, 200-den astam adam sottalǵan.
Zańǵa sáikes, bank kartasyn nemese shotyn úshinshi tulǵalarǵa bergen azamattarǵa 7 jylǵa deiin bas bostandyǵynan aiyrý jazasy qarastyrylǵan. Mamandar turǵyndardy alaiaqtyq shemalarǵa aralaspaýǵa jáne jeke bank derekterin bógde adamdarǵa bermeýge shaqyrady.
