Aqtóbede politsiia 56 jastaǵy turǵynnyń 8 million teńgesin saqtap qaldy. Áiel alaiaqtardyń arbaýyna túsip, eki bólmeli páterin tómen baǵaǵa satpaq bolǵan, dep habarlaidy ult.kz.
Polisia.kz málimetinshe, turǵynǵa aldymen ózin jetkizý qyzmetiniń, keiin bank qyzmetkeriniń ókili retinde tanystyrǵan belgisiz adamdar qońyraý shalǵan. Olar áielge onyń atyna jalǵan nesie rásimdelip jatqanyn aityp, eshkimge bul týraly habarlamaýdy jáne óz nusqaýlaryn oryndaýdy talap etken.
Alaiaqtar turǵynnyń eki bólmeli páteri bar ekenin bilip, «múlkińizdi saqtap qalýdyń jalǵyz joly – ony satý» degen jalǵan syltaýmen baspanasyn naryq baǵasynan tómen baǵaǵa ótkizýge kóndirgen.
Áiel jyljymaityn múlik agenttigine habarlasqan. Páter 8 million teńgege baǵalanǵanymen, agenttik qyzmetkeri jaǵdaidan kúmándi belgiler baiqap, birden politsiiaǵa habar bergen.
Oqiǵa ornyna kelgen tártip saqshylary turǵynǵa alaiaqtardyń áreketin túsindirip, páterdiń satylýyna jol bermedi.
Politsiia azamattarǵa eskertedi: bank qyzmetkerleri men memlekettik organdar eshqashan SMS-kodtardy aitýdy, múlikti satýdy nemese aqshany «qaýipsiz shotqa» aýdarýdy talap etpeidi.
Kúmándi qońyraý túsken jaǵdaida áńgimeni dereý toqtatyp, politsiiaǵa habarlasý qajet.
