اقتٶبەدە پوليتسييا 56 جاستاعى تۇرعىننىڭ 8 ميلليون تەڭگەسٸن ساقتاپ قالدى. ەيەل الاياقتاردىڭ ارباۋىنا تٷسٸپ, ەكٸ بٶلمەلٸ پەتەرٸن تٶمەن باعاعا ساتپاق بولعان, دەپ حابارلايدى ult.kz.
Polisia.kz مەلٸمەتٸنشە, تۇرعىنعا الدىمەن ٶزٸن جەتكٸزۋ قىزمەتٸنٸڭ, كەيٸن بانك قىزمەتكەرٸنٸڭ ٶكٸلٸ رەتٸندە تانىستىرعان بەلگٸسٸز ادامدار قوڭىراۋ شالعان. ولار ەيەلگە ونىڭ اتىنا جالعان نەسيە رەسٸمدەلٸپ جاتقانىن ايتىپ, ەشكٸمگە بۇل تۋرالى حابارلاماۋدى جەنە ٶز نۇسقاۋلارىن ورىنداۋدى تالاپ ەتكەن.
الاياقتار تۇرعىننىڭ ەكٸ بٶلمەلٸ پەتەرٸ بار ەكەنٸن بٸلٸپ, «مٷلكٸڭٸزدٸ ساقتاپ قالۋدىڭ جالعىز جولى – ونى ساتۋ» دەگەن جالعان سىلتاۋمەن باسپاناسىن نارىق باعاسىنان تٶمەن باعاعا ٶتكٸزۋگە كٶندٸرگەن.
ەيەل جىلجىمايتىن مٷلٸك اگەنتتٸگٸنە حابارلاسقان. پەتەر 8 ميلليون تەڭگەگە باعالانعانىمەن, اگەنتتٸك قىزمەتكەرٸ جاعدايدان كٷمەندٸ بەلگٸلەر بايقاپ, بٸردەن پوليتسيياعا حابار بەرگەن.
وقيعا ورنىنا كەلگەن تەرتٸپ ساقشىلارى تۇرعىنعا الاياقتاردىڭ ەرەكەتٸن تٷسٸندٸرٸپ, پەتەردٸڭ ساتىلۋىنا جول بەرمەدٸ.
پوليتسييا ازاماتتارعا ەسكەرتەدٸ: بانك قىزمەتكەرلەرٸ مەن مەملەكەتتٸك ورگاندار ەشقاشان SMS-كودتاردى ايتۋدى, مٷلٸكتٸ ساتۋدى نەمەسە اقشانى «قاۋٸپسٸز شوتقا» اۋدارۋدى تالاپ ەتپەيدٸ.
كٷمەندٸ قوڭىراۋ تٷسكەن جاعدايدا ەڭگٸمەنٸ دەرەۋ توقتاتىپ, پوليتسيياعا حابارلاسۋ قاجەت.
