Búgin QR Memlekettik hatshysy Qyrymbek Kósherbaevtyń tóraǵalyǵymen Qazaqstan Respýblikasynyń ál-Farabi atyndaǵy ǵylym men tehnika salasyndaǵy memlekettik syilyǵyn berý jónindegi komissiianyń qorytyndy otyrysy ótti, dep habarlaidy "Ult aqparat" Aqordaǵa silteme jasap.
Ál-Farabi atyndaǵy memlekettik syilyq ǵylym men tehnika qairatkerleriniń qoǵam men memleket aldyndaǵy eńbegin joǵary taný bolyp tabylady.
Biyl memlekettik syilyqty alý úshin barlyǵy 6 jumys túsken. Aldyn ala irikteýden keiin ekinshi kezeńge 3 jumys ótti.
Otyrys qorytyndysy boiynsha komissiia ál-Farabi atyndaǵy memlekettik syilyqty berý úshin jumys tizimin bekitti.
Kelesi kezeńde 2020 jylǵy Qazaqstan Respýblikasynyń ál-Farabi atyndaǵy ǵylym men tehnika salasyndaǵy memlekettik syilyǵyn berý týraly Qazaqstan Respýblikasy Prezidenti Jarlyǵynyń jobasy ázirlenetin bolady.
