Qytaida ómir boiyna bas bostandyǵynan aiyrylǵan Aqjarqyn Turlybaidy Qazaqstanǵa qaitarýǵa naqty múmkindik bar. Bul týraly onyń advokaty Suńqar Nurmaǵambetov málimdedi, dep habarlaidy Sputnik Qazaqstan.
"2014 jyly Aqjarqyn Turlybai Gýanchjoý áýejaiynda ustaldy. Sol jyly Rostov qalasynyń turǵyny Mariia Dapirka Hoshimin qalasynda qamaýǵa alyndy. Ortalyq Aziia óńirlik aqparattyq úilestirý ortalyǵy qyzdardy nigeriialyq esirtki tasymaldaýshylardyń qurbany dep tanydy, ekeýi de ómir boiyna bas bostandyǵynan aiyryldy. Aqjarqyn Turlybaiǵa qatysty aitsaq, jaqyn arada Qazaqstanǵa beriledi dep kútip otyrmyz", - dep jazdy Nurmaǵambetov jelidegi paraqshasynda.
Onyń aitýynsha, Mariia Dapirkany eline qaitarýǵa pandemiia, kommýnikatsiianyń buzylýy, álemdegi Reseige qatysty jaǵdai áser etýi múmkin.
"Qyzdardyń otanyna oralýyna naqty múmkindik bar", - dep túiindedi ol.
Aqjarqyn Turlybaidyń isi
Qazaqstan azamaty Aqjarqyn Turlybai 2014 jyly naýryzda Gýanchjoý áýejaiynda ustalǵan bolatyn. Oǵan shekaradan 4,5 keli esirtkini alyp ótpek boldy degen aiyp taǵyldy. Ol kezde otandasymyz 20 jasta bolǵan edi. 2015 jyldyń maýsymynda Qytai soty ony ómir boiyna bas bostandyǵynan aiyrdy. Sotta Aqjarqyn sheteldik dosy aldap ketkenin aityp, kinásin moiyndaǵan joq.
2016 jyly sot sheshimi joiylyp, is qaita qaraýǵa jiberildi.
Araǵa úsh jyl salyp, 2019 jyldyń 27 jeltoqsanynda Gýanchjoý soty úkim shyǵardy – jaza ózgerissiz qaldy.
