قىتايدا ٶمٸر بويىنا باس بوستاندىعىنان ايىرىلعان اقجارقىن تۇرلىبايدى قازاقستانعا قايتارۋعا ناقتى مٷمكٸندٸك بار. بۇل تۋرالى ونىڭ ادۆوكاتى سۇڭقار نۇرماعامبەتوۆ مەلٸمدەدٸ, دەپ حابارلايدى Sputnik قازاقستان.
"2014 جىلى اقجارقىن تۇرلىباي گۋانچجوۋ ەۋەجايىندا ۇستالدى. سول جىلى روستوۆ قالاسىنىڭ تۇرعىنى مارييا داپيركا حوشيمين قالاسىندا قاماۋعا الىندى. ورتالىق ازييا ٶڭٸرلٸك اقپاراتتىق ٷيلەستٸرۋ ورتالىعى قىزداردى نيگەرييالىق ەسٸرتكٸ تاسىمالداۋشىلاردىڭ قۇربانى دەپ تانىدى, ەكەۋٸ دە ٶمٸر بويىنا باس بوستاندىعىنان ايىرىلدى. اقجارقىن تۇرلىبايعا قاتىستى ايتساق, جاقىن ارادا قازاقستانعا بەرٸلەدٸ دەپ كٷتٸپ وتىرمىز", - دەپ جازدى نۇرماعامبەتوۆ جەلٸدەگٸ پاراقشاسىندا.
ونىڭ ايتۋىنشا, مارييا داپيركانى ەلٸنە قايتارۋعا پاندەمييا, كوممۋنيكاتسييانىڭ بۇزىلۋى, ەلەمدەگٸ رەسەيگە قاتىستى جاعداي ەسەر ەتۋٸ مٷمكٸن.
"قىزداردىڭ وتانىنا ورالۋىنا ناقتى مٷمكٸندٸك بار", - دەپ تٷيٸندەدٸ ول.
اقجارقىن تۇرلىبايدىڭ ٸسٸ
قازاقستان ازاماتى اقجارقىن تۇرلىباي 2014 جىلى ناۋرىزدا گۋانچجوۋ ەۋەجايىندا ۇستالعان بولاتىن. وعان شەكارادان 4,5 كەلٸ ەسٸرتكٸنٸ الىپ ٶتپەك بولدى دەگەن ايىپ تاعىلدى. ول كەزدە وتانداسىمىز 20 جاستا بولعان ەدٸ. 2015 جىلدىڭ ماۋسىمىندا قىتاي سوتى ونى ٶمٸر بويىنا باس بوستاندىعىنان ايىردى. سوتتا اقجارقىن شەتەلدٸك دوسى الداپ كەتكەنٸن ايتىپ, كٸنەسٸن مويىنداعان جوق.
2016 جىلى سوت شەشٸمٸ جويىلىپ, ٸس قايتا قاراۋعا جٸبەرٸلدٸ.
اراعا ٷش جىل سالىپ, 2019 جىلدىڭ 27 جەلتوقسانىندا گۋانچجوۋ سوتى ٷكٸم شىعاردى – جازا ٶزگەرٸسسٸز قالدى.
