QR ulttyq bankiniń tóraǵasy Daniiar Aqyshev AQSh-tyń Reseige qarsy sanktsiialarynan keiin Qazaqstannyń valiýta naryǵynda ahýal qandai ekenin málimdedi, dep habarlaidy Sputnik Qazaqstan tilshisi.
Aqyshev osy jyldyń birinshi toqsanynda valiýta naryǵyndaǵy ahýal turaqty bolǵanyn atap ótti.
"2018 jyldyń birinshi toqsanda ulttyq valiýtanyń baǵamyn aiqyndaityn belgili faktorlar ońtaily qalypasty. Qańtar-naýryzda teńge 1 AQSh dollary úshin 318,31-330,29 teńge aralyǵynda ózgerdi. Jyl basynan beri 4,2 paiyzǵa, 318,31 teńgege deiin nyǵaidy. Sáýirdiń basynda Reseidegi qor naryqtarynyń quldyraý nátijesinde Resei rýbliniń álsireýi aiasynda teńge baǵamy qubyldy. Bul rette jaqsy makroekonomkalyq kórsetkishterdi eskere otyryp, qazirgi kezde valiýta naryǵyndaǵy ahýal turaqtandy. Jalpy alǵanda Reseidegi oqiǵalarǵa reaktsiiany biz qysqa merzimdi qalypty dep baǵalaimyz", — dedi ulttyq bank basshysy úkimet otyrysynda.
Onyń aqparatynsha, Ulttyq banktiń altyn-valiýta rezervteri aldyn ala derekter boiynsha naýryzdyń sońynda 31,1 milliard AQSh dollaryn qurady. Jyl basynan beri ósim 1,1 paiyz boldy. Ulttyq qordyń shetel valiýtasyndaǵy aktivteri naýryz aiynyń sońynda 59,3 milliard dollar bolyp baǵalandy.
