قر ۇلتتىق بانكٸنٸڭ تٶراعاسى دانييار اقىشەۆ اقش-تىڭ رەسەيگە قارسى سانكتسييالارىنان كەيٸن قازاقستاننىڭ ۆاليۋتا نارىعىندا احۋال قانداي ەكەنٸن مەلٸمدەدٸ, دەپ حابارلايدى Sputnik قازاقستان تٸلشٸسٸ.
اقىشەۆ وسى جىلدىڭ بٸرٸنشٸ توقسانىندا ۆاليۋتا نارىعىنداعى احۋال تۇراقتى بولعانىن اتاپ ٶتتٸ.
"2018 جىلدىڭ بٸرٸنشٸ توقساندا ۇلتتىق ۆاليۋتانىڭ باعامىن ايقىندايتىن بەلگٸلٸ فاكتورلار وڭتايلى قالىپاستى. قاڭتار-ناۋرىزدا تەڭگە 1 اقش دوللارى ٷشٸن 318,31-330,29 تەڭگە ارالىعىندا ٶزگەردٸ. جىل باسىنان بەرٸ 4,2 پايىزعا, 318,31 تەڭگەگە دەيٸن نىعايدى. سەۋٸردٸڭ باسىندا رەسەيدەگٸ قور نارىقتارىنىڭ قۇلدىراۋ نەتيجەسٸندە رەسەي رۋبلٸنٸڭ ەلسٸرەۋٸ اياسىندا تەڭگە باعامى قۇبىلدى. بۇل رەتتە جاقسى ماكروەكونومكالىق كٶرسەتكٸشتەردٸ ەسكەرە وتىرىپ, قازٸرگٸ كەزدە ۆاليۋتا نارىعىنداعى احۋال تۇراقتاندى. جالپى العاندا رەسەيدەگٸ وقيعالارعا رەاكتسييانى بٸز قىسقا مەرزٸمدٸ قالىپتى دەپ باعالايمىز", — دەدٸ ۇلتتىق بانك باسشىسى ٷكٸمەت وتىرىسىندا.
ونىڭ اقپاراتىنشا, ۇلتتىق بانكتٸڭ التىن-ۆاليۋتا رەزەرۆتەرٸ الدىن الا دەرەكتەر بويىنشا ناۋرىزدىڭ سوڭىندا 31,1 ميلليارد اقش دوللارىن قۇرادى. جىل باسىنان بەرٸ ٶسٸم 1,1 پايىز بولدى. ۇلتتىق قوردىڭ شەتەل ۆاليۋتاسىنداعى اكتيۆتەرٸ ناۋرىز ايىنىڭ سوڭىندا 59,3 ميلليارد دوللار بولىپ باعالاندى.
