Memleket basshysy Ulttyq bank tóraǵasy Daniiar Aqyshevti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan Prezidentine Ulttyq banktiń 2017 jyly atqarǵan jumysynyń qorytyndysy jónindegi esebi usynyldy.
Daniiar Aqyshev Elbasyǵa Ulttyq banktiń qazirgi qyzmeti, aqsha-nesie saiasatynyń basty baǵyttary, sondai-aq elimizdiń qarjy naryǵyndaǵy ahýal týraly baiandady.
Ulttyq bank tóraǵasynyń esebine sáikes, 2017 jyly infliatsiia deńgeii 7,1 paiyzdy qurap, jyl sońynda altyn-valiýta qorynyń kólemi 30,7 milliard AQSh dollaryna jetken.
– Qańtar aiynda ahýal odan da jaqsara tústi. Bank rezervteri taǵy 3 paiyzǵa ósip, 31,7 milliard AQSh dollaryna jetti. Ulttyq qordyń shetel valiýtasyndaǵy aktivteri 58,3 milliard AQSh dollaryn qurady. 2018 jylǵy qańtarda infliatsiia deńgeii 0,6 paiyz boldy. Bul bizdiń biylǵa belgilegen – besten jeti paiyzǵa deiingi aralyqtaǵy jańa ólshemimizge enip otyr, – dedi D.Aqyshev.
Kezdesý qorytyndysy boiynsha Memleket basshysy birqatar naqty tapsyrma berdi.
.jpeg)