مەملەكەت باسشىسى ۇلتتىق بانك تٶراعاسى دانييار اقىشەۆتٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا قازاقستان پرەزيدەنتٸنە ۇلتتىق بانكتٸڭ 2017 جىلى اتقارعان جۇمىسىنىڭ قورىتىندىسى جٶنٸندەگٸ ەسەبٸ ۇسىنىلدى.
دانييار اقىشەۆ ەلباسىعا ۇلتتىق بانكتٸڭ قازٸرگٸ قىزمەتٸ, اقشا-نەسيە ساياساتىنىڭ باستى باعىتتارى, سونداي-اق ەلٸمٸزدٸڭ قارجى نارىعىنداعى احۋال تۋرالى باياندادى.
ۇلتتىق بانك تٶراعاسىنىڭ ەسەبٸنە سەيكەس, 2017 جىلى ينفلياتسييا دەڭگەيٸ 7,1 پايىزدى قۇراپ, جىل سوڭىندا التىن-ۆاليۋتا قورىنىڭ كٶلەمٸ 30,7 ميلليارد اقش دوللارىنا جەتكەن.
– قاڭتار ايىندا احۋال ودان دا جاقسارا تٷستٸ. بانك رەزەرۆتەرٸ تاعى 3 پايىزعا ٶسٸپ, 31,7 ميلليارد اقش دوللارىنا جەتتٸ. ۇلتتىق قوردىڭ شەتەل ۆاليۋتاسىنداعى اكتيۆتەرٸ 58,3 ميلليارد اقش دوللارىن قۇرادى. 2018 جىلعى قاڭتاردا ينفلياتسييا دەڭگەيٸ 0,6 پايىز بولدى. بۇل بٸزدٸڭ بيىلعا بەلگٸلەگەن – بەستەن جەتٸ پايىزعا دەيٸنگٸ ارالىقتاعى جاڭا ٶلشەمٸمٸزگە ەنٸپ وتىر, – دەدٸ د.اقىشەۆ.
كەزدەسۋ قورىتىندىسى بويىنشا مەملەكەت باسشىسى بٸرقاتار ناقتى تاپسىرما بەردٸ.
.jpeg)