QR Ulttyq bank tóraǵasy Daniiar Aqyshev kriptovaliýtanyń áli kúnge deiin ne ekenin túsinbeitinin aityp, qazaqstandyqtardy bul qaýipti júieden saqtandyrdy, dep xabarlaidy "Ult aqparat" Baq.kz portalyna silteme jasap.
«Kásibi turǵydan alyp qarasam da, men áli kúnge deiin kriptovaliýtanyń ne ekenin túsinbeimin. Bul – biryńǵai ortalyqtandyrylǵan organy joq, naqty shyǵarýshysy joq qural», - dedi QR Ulttyq banki tóraǵasy Daniiar Aqyshev OKQ-da ótken baspasóz konferentsiiasynda.
Ol kriptovaliýtaǵa qatysty qarjylyq retteý usynystary Úkimetke jiberilgenin atap ótti.
«Ulttyq valiýtany kriptovaliýtamen esepteýge shekteý qoiyp, sonymen birge muny kriptovaliýtamen júzege asyratyn qandai da bir kompaniialardyń qyzmetine tyiym salý sekildi sharttardy kúsheitýdi usynyp otyrmyz. Kriptovaliýtany investitsiialaýdy qalaityn adamdardyń aktivin saqtaýmen qazir eshkim ainalysqysy kelmeidi. Eger bul quraldan shikilik shyqsa, kriptovaliýtamen investitsiia jasaityndarǵa ne bolady? Olar memleketke «Nege ýaqytynda eskertpedińizder?» dep keletinin bilip turmyn. Sol sebepti qazirden mundai operatsiialar qaýipti ekenin eskertemin», - dep málimdedi QR Ulttyq banki tóraǵasy Daniiar Aqyshev.
