Ulttyq bank ókilderi aktsionerlerine kapitalǵa mindetti túrde aqsha quiý týraly shart qoidy. Bul týraly Ulttyq bank tóraǵasy Daniiar Aqyshev Parlament palatarynyń birikken otyrysy barysynda aitty, - dep habarlaidy kaz.tengrinews.kz tilshisi.
Bank tóraǵasynyń aitýynsha, bank aktivteriniń sapasyna baǵa berý boiynsha jumystar júgiziledi. Aqyshev bul tekseristerden keiin banktiń shynaiy jaǵdaiy kórinetinin aityp ótti.
"Bank aktsionerleriniń kapitalǵa aitarlyqtai aqsha quiýyna qatysty problema týyndap tur. Ulttyq bank ókilderi qazirgi ýaqytta aktsionerlerde bir ýaqytta birden aitarlyqtai somada qarajat quiý múmkindigi joq ekenin túsinip otyr. Sondyqtai mynandai usynys bar - Ulttyq bank qazirgi ýaqytta bank sektoryn saýyqtyrýǵa baǵyttalǵan baǵdarlamany aiaqtaýǵa jaqyn qaldy. Onyń aitýynsha, Ulttyq bank resýrs jaǵynan qoldaý kórsete alady, biraq ol qarajat belgilengen ýaqytta qaitarylýy tiis bolady. Qansha ýaqyt beriletini ázirshi belgisiz, talqylanyp jatyr", - dedi Daniiar Aqyshev.
"Biz osy baǵdarlamany jyl sońyna deiin júzege asyrýdy josparlap otyrmyz. Bankter barlyq halyqaralyq ólshemge sáikes bolady. Osydan keiin ǵana biz bank reitingin kóterip, qarjy jaǵdaiymyzdy jaqsartamyz. Bank sektory Ulttyq bank pen úkimet bergen tapsyrmalardy oryndai otyryp, saýyqtyrylatyn bolady", - dedi Ulttyq bank tóraǵasy.
Eske sala keteiik, 2 naýryzda QR Prezidenti Nursultan Nazarbaev bank sektoryn saýyqtyrý úshin Ulttyq qordan trillion teńge bólý týraly qaýlyǵa qol qoiǵan bolatyn. "Qaýly etemin: Qazaqstan Respýblikasynyń Ulttyq qorynan bank sektoryn saýyqtyrý úshin respýblikalyq biýdjetke 2017 jylǵa 1 (bir) trillion 92 (toqsan eki) milliard 941 (toǵyz júz qyryq bir) million 288 (eki júz seksen segiz) myń 400 (tórt júz) teńge bólý", - delingen edi QR Prezidentiniń qaýlysynda.
.jpeg)