ۇلتتىق بانك ٶكٸلدەرٸ اكتسيونەرلەرٸنە كاپيتالعا مٸندەتتٸ تٷردە اقشا قۇيۋ تۋرالى شارت قويدى. بۇل تۋرالى ۇلتتىق بانك تٶراعاسى دانييار اقىشەۆ پارلامەنت پالاتارىنىڭ بٸرٸككەن وتىرىسى بارىسىندا ايتتى, - دەپ حابارلايدى kaz.tengrinews.kz تٸلشٸسٸ.
بانك تٶراعاسىنىڭ ايتۋىنشا, بانك اكتيۆتەرٸنٸڭ ساپاسىنا باعا بەرۋ بويىنشا جۇمىستار جٷگٸزٸلەدٸ. اقىشەۆ بۇل تەكسەرٸستەردەن كەيٸن بانكتٸڭ شىنايى جاعدايى كٶرٸنەتٸنٸن ايتىپ ٶتتٸ.
"بانك اكتسيونەرلەرٸنٸڭ كاپيتالعا ايتارلىقتاي اقشا قۇيۋىنا قاتىستى پروبلەما تۋىنداپ تۇر. ۇلتتىق بانك ٶكٸلدەرٸ قازٸرگٸ ۋاقىتتا اكتسيونەرلەردە بٸر ۋاقىتتا بٸردەن ايتارلىقتاي سومادا قاراجات قۇيۋ مٷمكٸندٸگٸ جوق ەكەنٸن تٷسٸنٸپ وتىر. سوندىقتاي مىنانداي ۇسىنىس بار - ۇلتتىق بانك قازٸرگٸ ۋاقىتتا بانك سەكتورىن ساۋىقتىرۋعا باعىتتالعان باعدارلامانى اياقتاۋعا جاقىن قالدى. ونىڭ ايتۋىنشا, ۇلتتىق بانك رەسۋرس جاعىنان قولداۋ كٶرسەتە الادى, بٸراق ول قاراجات بەلگٸلەنگەن ۋاقىتتا قايتارىلۋى تيٸس بولادى. قانشا ۋاقىت بەرٸلەتٸنٸ ەزٸرشٸ بەلگٸسٸز, تالقىلانىپ جاتىر", - دەدٸ دانييار اقىشەۆ.
"بٸز وسى باعدارلامانى جىل سوڭىنا دەيٸن جٷزەگە اسىرۋدى جوسپارلاپ وتىرمىز. بانكتەر بارلىق حالىقارالىق ٶلشەمگە سەيكەس بولادى. وسىدان كەيٸن عانا بٸز بانك رەيتينگٸن كٶتەرٸپ, قارجى جاعدايىمىزدى جاقسارتامىز. بانك سەكتورى ۇلتتىق بانك پەن ٷكٸمەت بەرگەن تاپسىرمالاردى ورىنداي وتىرىپ, ساۋىقتىرىلاتىن بولادى", - دەدٸ ۇلتتىق بانك تٶراعاسى.
ەسكە سالا كەتەيٸك, 2 ناۋرىزدا قر پرەزيدەنتٸ نۇرسۇلتان نازارباەۆ بانك سەكتورىن ساۋىقتىرۋ ٷشٸن ۇلتتىق قوردان تريلليون تەڭگە بٶلۋ تۋرالى قاۋلىعا قول قويعان بولاتىن. "قاۋلى ەتەمٸن: قازاقستان رەسپۋبليكاسىنىڭ ۇلتتىق قورىنان بانك سەكتورىن ساۋىقتىرۋ ٷشٸن رەسپۋبليكالىق بيۋدجەتكە 2017 جىلعا 1 (بٸر) تريلليون 92 (توقسان ەكٸ) ميلليارد 941 (توعىز جٷز قىرىق بٸر) ميلليون 288 (ەكٸ جٷز سەكسەن سەگٸز) مىڭ 400 (تٶرت جٷز) تەڭگە بٶلۋ", - دەلٸنگەن ەدٸ قر پرەزيدەنتٸنٸڭ قاۋلىسىندا.
.jpeg)