Rejisser Dárejan Ómirbaevtyń "Aqyn" atty filmi Berlin kinofestivaliniń baǵdarlamasyna endi, - dep habarlaidy Tengrinews.kz.
2022 jyldyń 10-20 aqpan aralyǵynda ótetin 72-Berlin halyqaralyq kinofestivali "Forým" bedeldi baǵdarlamasyna qatysatyn alǵashqy filmderdi jariialady. Tizimde barlyǵy 10 film bar, olardyń ishinde rejisser Dárejan Ómirbaevtyń "Aqyn" atty filmi bar. Baiqaýdyń tolyq baǵdarlamasy kelesi jyldyń qańtarynda jariialanady.
"Aqyn" kinotaspasyn ulttyq kinony qoldaý memlekettik ortalyǵynyń qoldaýymen Sháken Aimanov atyndaǵy "Qazaqfilm" túsirgen.
Filmniń stsenariii jazýshy German Gesseniń "Avtorlyq kesh" áńgimesiniń negizinde jazylǵan. Filmdegi basty róldi "Jigitter" tobynyń solisi Erdos Qanaev oinady.
Eske salaiyq, "Aqyn" filminiń álemdik premerasy Tokiodaǵy kinofestivalde ótken bolatyn, qazylar alqasy qazaqstandyq kartinaǵa tánti bolyp, Dárejan Ómirbaevqa "Úzdik rejisser" ataǵyn berdi.
Qazaqstan Táýelsizdiginiń 30 jyldyǵyn merekeleý qarsańynda Kann, Venetsiia jáne Lokarno festivalderiniń qatysýshysy jáne júldegeri Ómirbaev "Qazaqstannyń eńbek sińirgen qairatkeri" qurmetti ataǵyn aldy.
