Birinshi sanattaǵy jańa aqyly ýchaskelerde júrý úshin tólem tarifterin 2013 jylǵy deńgeide qaldyrý josparlanǵan. Bul týraly QR IIDM Avtomobil joldary komitetiniń tóraǵasy Tólegen Abdýllin aitty, dep habarlaidy QazAqparat.
«Aqyly jolmen júrý tarifteri 2013 jyly birinshi aqyly ýchaske engizilgen kezdegi deńgeide qaldy. Atap aitqanda, jeńil avtokólikter úshin - 1 shaqyrymyna 1 teńge, aýyr júk kólikteri úshin - 1 shaqyrymyna júk kóterimdiligine bailanysty 5 teńgeden 25 teńgege deiin. Salystyryp qarasaq, kórshiles Reseide jeńil avtokólikter 1 shaqyrym úshin 7 teńge jáne júk kólikteri 7-den 55 teńgege deiin tóleidi. Al Eýropa elderindegi tarifterge keletin bolsaq, tólem júk kólikteri úshin 5 ese, al jeńil avtokólikter úshin 20 ese joǵary», - dedi Tólegen Abdýllin Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, 2025 jylǵa deiin aqyly júieni respýblikalyq jelidegi avtomobil joldarynyń 11 myń shaqyrymyna engizý kózdelgen.
