بٸرٸنشٸ ساناتتاعى جاڭا اقىلى ۋچاسكەلەردە جٷرۋ ٷشٸن تٶلەم تاريفتەرٸن 2013 جىلعى دەڭگەيدە قالدىرۋ جوسپارلانعان. بۇل تۋرالى قر ييدم اۆتوموبيل جولدارى كوميتەتٸنٸڭ تٶراعاسى تٶلەگەن ابدۋللين ايتتى, دەپ حابارلايدى قازاقپارات.
«اقىلى جولمەن جٷرۋ تاريفتەرٸ 2013 جىلى بٸرٸنشٸ اقىلى ۋچاسكە ەنگٸزٸلگەن كەزدەگٸ دەڭگەيدە قالدى. اتاپ ايتقاندا, جەڭٸل اۆتوكٶلٸكتەر ٷشٸن - 1 شاقىرىمىنا 1 تەڭگە, اۋىر جٷك كٶلٸكتەرٸ ٷشٸن - 1 شاقىرىمىنا جٷك كٶتەرٸمدٸلٸگٸنە بايلانىستى 5 تەڭگەدەن 25 تەڭگەگە دەيٸن. سالىستىرىپ قاراساق, كٶرشٸلەس رەسەيدە جەڭٸل اۆتوكٶلٸكتەر 1 شاقىرىم ٷشٸن 7 تەڭگە جەنە جٷك كٶلٸكتەرٸ 7-دەن 55 تەڭگەگە دەيٸن تٶلەيدٸ. ال ەۋروپا ەلدەرٸندەگٸ تاريفتەرگە كەلەتٸن بولساق, تٶلەم جٷك كٶلٸكتەرٸ ٷشٸن 5 ەسە, ال جەڭٸل اۆتوكٶلٸكتەر ٷشٸن 20 ەسە جوعارى», - دەدٸ تٶلەگەن ابدۋللين ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, 2025 جىلعا دەيٸن اقىلى جٷيەنٸ رەسپۋبليكالىق جەلٸدەگٸ اۆتوموبيل جولدارىنىڭ 11 مىڭ شاقىرىمىنا ەنگٸزۋ كٶزدەلگەن.
