Foto: kolesa.kz
Elimizde aqyly joldar qatary kóbeiedi jáne onyń baǵasy da ósedi. Bul týraly Kólik ministri Marat Qarabaev málim etti, dep habarlaidy QazAqparat.
«Tranzittik el bolǵan soń, joldardy qalpynda ustap, kútý kerek. Joldardyń sapasyn jaqsartý úshin qazirgi túsim jetkiliksiz. Sondyqtan jol aqysyn 20%-ǵa kóterip jatyrmyz. Ekinshiden, 10 jyldan astam jol aqysy, iaǵni tarif ózgergen joq. Biz jii jolda júretinderge ailyq abonement usynamyz. Jol suranysqa ie, demek baǵa jolaýshylar úshin arzanǵa túsedi degen sóz. Bul ó qazir qoldanystaǵy 2300 shaqyrym aqyly jolǵa qatysty áńgime», - dedi Marat Qarabaev vedomstvoda ótken baspasóz máslihatynda.
Ministrdiń aitýynsha, joldy kútýde biýdjetke salmaq túsirmegen abzal.
«Endi ekinshi sanattaǵy, iaǵni 4 jolaqty emes 2 jolaqty joldardy aqyly etýdi josparlap otyrmyz. Biraq, jol tek júk kólikteri úshin ǵana aqyly bolady. Olarǵa da abonement ázirlep jatyrmyz. Maqsat bireý - joldy jaqsy sapada ustaý kerek, al ol kólemdi qarjyny talap etedi», - deidi ol.
