Úsh adamnyń ómirin qiǵan jol apatyna aiypty Gelandewagen kóliginiń júrgizýshisi sotta sońǵy sózin aitty, dep habarlaidy QazAqparat tilshisi.
«Qurmetti sot, Sholpan Ǵabdýlmýlinova, Dinara Hamitova, Baqytnur Qunapiiaulynyń týystary, men sizderden orny tolmas qaiǵy úshin keshirim suraimyn. Bulai bolǵanyna ókinemin. Maǵan osy aýyr oimen ómir súrýdiń ózi qiyn. Aizada Satybaldievanyń densaýlyǵynyń zardap keltirgenim úshin de keshirim suraimyn. Almaty men Qazaqstan turǵyndarynan keshirim suraimyn. Barlyq bap boiynsha aiybymdy moiyndaimyn. Biraq, ishken joqpyn. Obektivti sheshim shyǵarýyńyzdy suraimyn. Meni osy otbasylarǵa kómektesý múmkindiginen, eńbek etý múmkindiginen ajyratpaýyńyzdy suraimyn. Men adam óltirgim kelgen joq», - dedi Iliias Kar.
Munyń aldynda memlekettik aiyptaýshy Iliias Kardy 8 jylǵa bas bostandyǵynan aiyrýdy suraǵan bolatyn.
Aita ketý kerek, qaiǵyly oqiǵa 29 jeltoqsanda bolǵan edi. Abai men Seifýllin kósheleriniń qiylysynda Gelandewagen baǵdarshamnyń qyzyl túsine ótip Galant kóligin soqqan. Jol apatynan 3 adam - Galant júrgizýshisi men eki jolaýshy kóz jumdy. Olardyń biri - belgili aktrisa Sholpan Elgezek. Keiin 34 jastaǵy Gelandewagen júrgizýshisi mas bolǵany anyqtaldy.
Gelandewagen markaly avtomobil júrgizýshisi, 1985 jylǵy Kar Iliias QR QK-niń 345-baby men 347-baby boiynsha sot aldynda jaýap berdi.
Aita keteiik, atalǵan jol apatynan aman qalǵan jalǵyz jolaýshy - aktrisa Aizada Satybaldieva aýyr halde aýrýhanaǵa tústi.
