ٷش ادامنىڭ ٶمٸرٸن قيعان جول اپاتىنا ايىپتى Gelandewagen كٶلٸگٸنٸڭ جٷرگٸزۋشٸسٸ سوتتا سوڭعى سٶزٸن ايتتى, دەپ حابارلايدى قازاقپارات تٸلشٸسٸ.
«قۇرمەتتٸ سوت, شولپان عابدۋلمۋلينوۆا, دينارا حاميتوۆا, باقىتنۇر قۇناپيياۇلىنىڭ تۋىستارى, مەن سٸزدەردەن ورنى تولماس قايعى ٷشٸن كەشٸرٸم سۇرايمىن. بۇلاي بولعانىنا ٶكٸنەمٸن. ماعان وسى اۋىر ويمەن ٶمٸر سٷرۋدٸڭ ٶزٸ قيىن. ايزادا ساتىبالديەۆانىڭ دەنساۋلىعىنىڭ زارداپ كەلتٸرگەنٸم ٷشٸن دە كەشٸرٸم سۇرايمىن. الماتى مەن قازاقستان تۇرعىندارىنان كەشٸرٸم سۇرايمىن. بارلىق باپ بويىنشا ايىبىمدى مويىندايمىن. بٸراق, ٸشكەن جوقپىن. وبەكتيۆتٸ شەشٸم شىعارۋىڭىزدى سۇرايمىن. مەنٸ وسى وتباسىلارعا كٶمەكتەسۋ مٷمكٸندٸگٸنەن, ەڭبەك ەتۋ مٷمكٸندٸگٸنەن اجىراتپاۋىڭىزدى سۇرايمىن. مەن ادام ٶلتٸرگٸم كەلگەن جوق», - دەدٸ ٸليياس كار.
مۇنىڭ الدىندا مەملەكەتتٸك ايىپتاۋشى ٸليياس كاردى 8 جىلعا باس بوستاندىعىنان ايىرۋدى سۇراعان بولاتىن.
ايتا كەتۋ كەرەك, قايعىلى وقيعا 29 جەلتوقساندا بولعان ەدٸ. اباي مەن سەيفۋللين كٶشەلەرٸنٸڭ قيىلىسىندا Gelاndەwagen باعدارشامنىڭ قىزىل تٷسٸنە ٶتٸپ Galant كٶلٸگٸن سوققان. جول اپاتىنان 3 ادام - Galant جٷرگٸزۋشٸسٸ مەن ەكٸ جولاۋشى كٶز جۇمدى. ولاردىڭ بٸرٸ - بەلگٸلٸ اكتريسا شولپان ەلگەزەك. كەيٸن 34 جاستاعى Gelاndەwagen جٷرگٸزۋشٸسٸ ماس بولعانى انىقتالدى.
Gelandewagen ماركالى اۆتوموبيل جٷرگٸزۋشٸسٸ, 1985 جىلعى كار ٸليياس قر قك-نٸڭ 345-بابى مەن 347-بابى بويىنشا سوت الدىندا جاۋاپ بەردٸ.
ايتا كەتەيٸك, اتالعان جول اپاتىنان امان قالعان جالعىز جولاۋشى - اكتريسا ايزادا ساتىبالديەۆا اۋىر حالدە اۋرۋحاناعا تٷستٸ.
