Mádeniet jáne sport ministri Aqtoty Raiymqulova eldegi kitaphanalar mádeni oshaq retinde saqtalýy kerektigin málim etti, dep habarlaidy "Ult aqparat".
Eske sala ketsek buǵan deiin Nur-Sultan qalalyq máslihatynyń depýtaty Miras Shekenov elordadaǵy kitaphanalardy ustap turý úshin qarajat bólmei, bárin tsifrlandyryp, bir ǵana kitaphanany qaldyrý usynysyn kótergen edi. Ministr Aqtoty Raiymqulovadan BAQ ókilderi osy usynysqa qatysty pikirin surady.
«Kitaphanalar – rýhaniiatty saqtaityn, adamzattyń myń jyldyq uly oilary shoǵyrlanǵan oryn. Memleketimizdiń saiasaty men mádeniet týraly zań boiynsha búkil mádeni qundylyqtardy azamattarǵa qoljetimdi etý kerek. Sondyqtan árine zamanǵa sai ózgeristerge bailanysty kitaphanalardyń qorlary tsifrlandyrylady. Olarmen birge arhivter, mýzeilerdi de bul jumystan tys qalmaidy. Sonymen qatar kitaphanalar óziniń jumysyn toqtatpaýy kerek. Bul – bizdiń ókiletti organnyń kózqarasy», - dedi ministr OKQ-da ótken baspasóz máslihatynda.
Aqtoty Raiymqulova azamattar kitaphanalar mádeni oshaq retinde saqtalýy kerektigin jetkizdi.
