Aqtóbede 5 jáne 6 jastaǵy balalardyń óliminen soń oblystyń bas politseii men ustazy ata-analarǵa úndeý joldady, dep habarlaidy "Ult aqparat".
Eki balanyń óliminen soń oblystyq politsiia departamentiniń bastyǵy Atyǵai Arystanov barynsha saq bolýǵa, balalardy únemi baqylaýdy shaqyrdy.
«Ózen jaǵasyna barǵan kezde ata-ana balasyn muqiiat baqylaýy kerek. Ásirese jazda tabiǵat aiasynda demalyp, bos ýaqytyn sol jerde ótkizetinder saqtyq sharasyn esten shyǵarmaýy tiis. Balalardyń bári tabiǵi jáne jasandy sý aidyndarynda ózin-ózi ustaý erejesin jetik bilýi úshin únemi túsindirý jumysyn júrgizýdi suraimyz. Osy arqyly Siz balalaryńyzǵa sý aidyndarynda bolatyn qaiǵyly jaǵdailar týraly eskertesiz», - dedi oblystyq PD bastyǵy Atyǵai Arystanov.
Sondai-aq oblystyq bilim basqarmasynyń basshysy Joldas Batyrhan muǵalimderge tapsyrma berdi.
«Eki shańyraqtyń kóz qýanyshy qas-qaǵym sátte bul dúnieden ǵaiyp boldy. Óte ókinishti. Ata-analaryna qaiǵyryp kóńil aitamyn. Osy oraida barlyq áriptesime mektepke oralǵan shákirtterimizben, balabaqshadaǵy tárbielenýshilermen qaýipsizdik, ásirese, ot, sý jáne jolda júrý erejesin tusindirýdi qaita pysyqtaýdy tapsyramyn. Jazǵy mekteptegi ár sabaqtyń aldynda osyndai shara ótkizýimiz kerek», - dep jazdy Joldas Batyrhan.
