Aqtóbe oblysynyń ákimdigi janyndaǵy jedel shtabtyń málimetinshe, turǵyndar úsh kúnde bir ret azyq-túlik dúkenine bara alady, dep habarlaidy "Ult aqparat".
Sońǵy málimetke súiensek, Aqtóbede virýs juqtyrǵandar sany 27-ge jetti. Koronavirýs infektsiiasynyń odan ári órshýine jol bermeý úshin karantin rejimi kúsheitilip, qatań shekteý sharalary qoldanylady.
«Otbasynda bir adam úsh kúnde bir ret jaqyn mańdaǵy dúkenge nemese sýpermarketke, dárihanaǵa barýy kerek. Qala ishinde jumys kestesi men qyzmet orny kórsetilgen anyqtamasy bar jumys isteitin adamdardy qospaǵanda, turǵyndardyń jeke kóligimen júrýine tyiym salynady. Jumys berýshiler óz qyzmetkerlerin jumys ornyna jetkizý, úiine tasymaldaýdy uiymdastyrýy qajet. Eger dene qyzýynyń kóterilýi, jótel, tamaqtyń aýyrýy siiaqty tumaý men sýyq tiiýdiń belgileri anyqtalǵan jaǵdaida, úiden óz betinshe em qabyldamai, tez arada jedel járdem qyzmetin shaqyryńyz», - dep habarlady oblystyq Jedel shtab.
