اقتٶبە وبلىسىنىڭ ەكٸمدٸگٸ جانىنداعى جەدەل شتابتىڭ مەلٸمەتٸنشە, تۇرعىندار ٷش كٷندە بٸر رەت ازىق-تٷلٸك دٷكەنٸنە بارا الادى, دەپ حابارلايدى "ۇلت اقپارات".
سوڭعى مەلٸمەتكە سٷيەنسەك, اقتٶبەدە ۆيرۋس جۇقتىرعاندار سانى 27-گە جەتتٸ. كوروناۆيرۋس ينفەكتسيياسىنىڭ ودان ەرٸ ٶرشۋٸنە جول بەرمەۋ ٷشٸن كارانتين رەجيمٸ كٷشەيتٸلٸپ, قاتاڭ شەكتەۋ شارالارى قولدانىلادى.
«وتباسىندا بٸر ادام ٷش كٷندە بٸر رەت جاقىن ماڭداعى دٷكەنگە نەمەسە سۋپەرماركەتكە, دەرٸحاناعا بارۋى كەرەك. قالا ٸشٸندە جۇمىس كەستەسٸ مەن قىزمەت ورنى كٶرسەتٸلگەن انىقتاماسى بار جۇمىس ٸستەيتٸن ادامداردى قوسپاعاندا, تۇرعىنداردىڭ جەكە كٶلٸگٸمەن جٷرۋٸنە تىيىم سالىنادى. جۇمىس بەرۋشٸلەر ٶز قىزمەتكەرلەرٸن جۇمىس ورنىنا جەتكٸزۋ, ٷيٸنە تاسىمالداۋدى ۇيىمداستىرۋى قاجەت. ەگەر دەنە قىزۋىنىڭ كٶتەرٸلۋٸ, جٶتەل, تاماقتىڭ اۋىرۋى سيياقتى تۇماۋ مەن سۋىق تييۋدٸڭ بەلگٸلەرٸ انىقتالعان جاعدايدا, ٷيدەن ٶز بەتٸنشە ەم قابىلداماي, تەز ارادا جەدەل جەردەم قىزمەتٸن شاقىرىڭىز», - دەپ حابارلادى وبلىستىق جەدەل شتاب.
