Aqtóbe oblysynda memleket basshysy N.Á.Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty joldaýdaǵy mindetterdi júzege asyrý joldaryn talqylaýda.
Oblystyq máslihat depýtaty Svetlana Aitbaeva: «Men Prezidenttiń joldaýyn muqiiat tyńdadym. Bul der kezindegi, ózekti qujat, onyń árbir tarmaǵy ýaqyttyń qazirgi jaǵdaiymen aitylǵan. Elbasy barlyq qazaqstandyqtardy tolǵandyratyn birqatar problemalardy atap ótti. Muǵalimder kúni qarsańynda Nursultan Nazarbaevtyń muǵalimder mártebesin kóterý máselesin kótergeni qýantady. Onyń tapsyrmasymen «Pedagogtardyń mártebesin kóterý týraly» zań ázirlenip, onda júktemeni qysqartý, muǵalimder men balabaqsha qyzmetkerlerin yntalandyrý suraqtary qaralady dep josparlanyp otyr. Bul durys, óitkeni kez kelgen memlekettiń bolashaǵy eń aldymen, óskeleń urpaqtyń tárbiesine bailanysty emes pe. Muny Qazaqstannyń keleshegi úshin isteý kerek», - dep óziniń pikirimen bólisti.
«Sonymen qatar, men shyǵarmashylyq adamy retinde mádeniet salasyndaǵy ózgerister týraly jańalyqtardy kútken edim. Óz suraqtarymnyń barlyǵyna da jaýabymdy aldym. Elimiz úshin ózekti másele - týrizmdi damytý bolyp qala beredi. Atalmysh salany sheteldik tájiribeni eskere otyra kúsh salyp damytýymyz qajet jáne ol úshin bizde barlyq múmkindikter bar», - dep qosty ol.
№6 qalalyq emhananyń bas dárigeri Jeksenbi Kóptileýovtyń aitýynsha Prezident óziniń jyl saiynǵy joldaýynda dástúr boiynsha sheshimi qarapaiym azamattardyń turmys sapasyn aitarlyqtai jaqsartýǵa múmkindik beretin mindetterdi qoiady.
Bas dáriger: «Prezidenttiń jyl saiynǵy joldaýyn úlken qyzyǵýshylyqpen qabyldadym. Densaýlyq saqtaý salasynyń ókili retinde bes jyldyń ishinde bilim, ǵylym men densaýlyq saqtaý salasyna ketetin shyǵyn jalpy ishki ónimnen jalpy alǵanda 10% deiin jetkiziletini qýantady. Bul bizdiń sala turaqty damidy degen sóz. Búginde memleket densaýlyq saqtaý salasyn damytý úshin barlyq jaǵdaidy jasap jatyr: meditsina mekemeleri sońǵy tehnikalarmen jaraqtanǵan, bizde qandai da bir dárilik zattardan problema joq. Bizge tek emdeýdiń jańa tehnologiialary men ádisterin engizýge kóńil aýdarý ǵana qalyp tur. Sondai jaǵdaida biz Nursultan Nazarbaevtyń alǵashqy meditsinalyq-sanitarlyq járdemge, ásirese aýyldyq jerlerde qol jetkizýdi arttyrý boiynsha tapsyrmasyn tiimdi oryndai alamyz», - dep esepteidi.
Buǵan qosa aqtóbelikter, eldiń túpkir-túpkirinde aqparattyq-túsindirý jumystaryn kúsheitý jáne Elbasynyń barlyq tapsyrmalaryn árbir azamattqa jetkizý qajet dep sanaidy.
