Aqtóbede immýndaý jumysy jalǵasyp jatyr. Endi munaishylar qytailyq «Sinofarm» vaktsinasyn saldyra alady, dep habarlaidy "Ult aqparat".
Aqtóbe oblysy boiynsha 38 myńnan astam adam vaktsina saldyrǵan. Onyń 6 myńnan astamy eki komponetti de aldy. Ótken demalys kúnderi taǵy 14 800 doza Spýtnik V vaktsinasy óńirge jetkizildi. Sonymen birge QazVac ekpesiniń 2 myń dozasy ákelindi.
«Qazaqstandyq QazVac vaktsinasy emhanalarǵa taratyldy. Osy aptada otandyq vaktsina berile bastaidy. Sonymen birge qytailyq «Sinofarm» vaktsinasy qazir Saýd Arabiiasynda óndirilip jatyr. Onda vaktsinaǵa «Hayat-Vax» ataýy berilgen. Dál osy qytailyq vaktsinanyń 22 myń dozasy 30 sáýir kúni oblysqa jetkiziledi. Jospar boiynsha «Samuryq Qazyna» kompaniiasynyń jumysshylaryna, iaǵni, óńirdegi iri munai kompaniialarynyń qyzmetkerlerine egiledi. Keiin turǵyndarǵa da jetkiziledi», - dedi oblystyq densaýlyq saqtaý basqarmasynyń basshysy Rústem Isaev.
Aita keteiik, Aqtóbe oblysy 31 naýryzdan beri «qyzyl» aimaqta. Ótken táýlikte taǵy 125 adamnan koronavirýs infektsiiasy anyqtaldy. Qazir 750 naýqas infektsiialyq aýrýhanalarda em alyp jatyr. Onyń 50-i jansaqtaý bóliminde. Barlyǵy 7 adam ókpeni jasandy jeldetý apparatyna qosylǵan.
