اقتٶبەدە يممۋنداۋ جۇمىسى جالعاسىپ جاتىر. ەندٸ مۇنايشىلار قىتايلىق «سينوفارم» ۆاكتسيناسىن سالدىرا الادى, دەپ حابارلايدى "ۇلت اقپارات".
اقتٶبە وبلىسى بويىنشا 38 مىڭنان استام ادام ۆاكتسينا سالدىرعان. ونىڭ 6 مىڭنان استامى ەكٸ كومپونەتتٸ دە الدى. ٶتكەن دەمالىس كٷندەرٸ تاعى 14 800 دوزا سپۋتنيك V ۆاكتسيناسى ٶڭٸرگە جەتكٸزٸلدٸ. سونىمەن بٸرگە QazVac ەكپەسٸنٸڭ 2 مىڭ دوزاسى ەكەلٸندٸ.
«قازاقستاندىق QazVac ۆاكتسيناسى ەمحانالارعا تاراتىلدى. وسى اپتادا وتاندىق ۆاكتسينا بەرٸلە باستايدى. سونىمەن بٸرگە قىتايلىق «سينوفارم» ۆاكتسيناسى قازٸر ساۋد ارابيياسىندا ٶندٸرٸلٸپ جاتىر. وندا ۆاكتسيناعا «Hayat-Vax» اتاۋى بەرٸلگەن. دەل وسى قىتايلىق ۆاكتسينانىڭ 22 مىڭ دوزاسى 30 سەۋٸر كٷنٸ وبلىسقا جەتكٸزٸلەدٸ. جوسپار بويىنشا «سامۇرىق قازىنا» كومپانيياسىنىڭ جۇمىسشىلارىنا, ياعني, ٶڭٸردەگٸ ٸرٸ مۇناي كومپانييالارىنىڭ قىزمەتكەرلەرٸنە ەگٸلەدٸ. كەيٸن تۇرعىندارعا دا جەتكٸزٸلەدٸ», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى رٷستەم يساەۆ.
ايتا كەتەيٸك, اقتٶبە وبلىسى 31 ناۋرىزدان بەرٸ «قىزىل» ايماقتا. ٶتكەن تەۋلٸكتە تاعى 125 ادامنان كوروناۆيرۋس ينفەكتسيياسى انىقتالدى. قازٸر 750 ناۋقاس ينفەكتسييالىق اۋرۋحانالاردا ەم الىپ جاتىر. ونىڭ 50-ٸ جانساقتاۋ بٶلٸمٸندە. بارلىعى 7 ادام ٶكپەنٸ جاساندى جەلدەتۋ اپپاراتىنا قوسىلعان.
