Foto: Videodan skrinshot
Aqtóbede 39 jastaǵy áiel on birinshi balasyn aman-esen bosandy – endi úlken otbasynda jeti ul men tórt qyz bar, - dep habarlaidy Ult.kz Almaty.tv-ǵa silteme jasap.
Mnaýra Muqtarova men onyń uly Hantóreni perzenthanadan shyǵardy. Otbasydaǵy on birinshi bala 3,7 keli, 57 santimetr bolyp dúniege keldi. Byltyr kópbalaly otbasy retinde memleketten baspana alǵan.
"Men baqytty anamyn. Úlken uldarym – sportshylar. Qyzym bi úiirmesine qatysady. Barlyǵy úshin Allaǵa shúkirshilik etemin. 2024 jyldyń jeltoqsanynda kópbalaly otbasy retinde 10 jyl kezekte turyp, tórt bólmeli páter aldyq. Perzethanadan shyqqanymyzdy jańa úide atap ótemiz! Barlyq týystaryma, kórshilerime alǵys aitamyn!" – dep qýanyshymen bólisti Aqtóbe turǵyny.
Mnaýra Muqtarova – mamandyǵy boiynsha qazaq tili men ádebieti pániniń muǵalimi. Alaida qazir mektepte jumys isteýge múmkindigi joq, sebebi barlyq ýaqytyn bala tárbiesine arnaidy. Balalardyń ákesi Aidyn Ramazanov perzenthanadan shyǵarý rásimine qatysa almady. Ol júk kóligi júrgizýshisi bolyp jumys isteidi jáne qazir saparda júr.
