Aqtóbe oblysy, Temir aýdany, Shubarshi aýylynda jer úide gaz qurylǵysy jarylyp, eki adam aýrýhanaǵa tústi.
Aqtóbe oblystyq TJD baspasóz qyzmetiniń habarlaýynsha, túnde saǵat 2:37-de Shubarshi aýylyndaǵy 8-naýryz kóshesinde oqys oqiǵa bolǵan, dep jazady QazAqparat.
«Oqiǵa ornyna jetken kezde gaz qazandyǵy jarylǵany belgili boldy. Biraq órt shyqpaǵan. Jylytý qazandyǵy isten shyqqan bolýy múmkin. Sodan gaz jinalyp, áp sátte jarylyp, 84 sharshy metr bolatyn qabyrǵa men shatyry qulady. Zardap shekken eki adam aýrýhanaǵa jetkizildi. Olardyń jaǵdaiy qalypty»,-dep habarlady oblystyq TJD baspasóz qyzmeti.
Aita keteiik, órt qaýipsizdigi erejesin qatań saqtaý eskertiledi. Qandai da bir oqys oqiǵa bolsa dereý «101» «112» nómirlerine habar barý kerek.
