اقتٶبە وبلىسى, تەمٸر اۋدانى, شۇبارشي اۋىلىندا جەر ٷيدە گاز قۇرىلعىسى جارىلىپ, ەكٸ ادام اۋرۋحاناعا تٷستٸ.
اقتٶبە وبلىستىق تجد باسپاسٶز قىزمەتٸنٸڭ حابارلاۋىنشا, تٷندە ساعات 2:37-دە شۇبارشي اۋىلىنداعى 8-ناۋرىز كٶشەسٸندە وقىس وقيعا بولعان, دەپ جازادى قازاقپارات.
«وقيعا ورنىنا جەتكەن كەزدە گاز قازاندىعى جارىلعانى بەلگٸلٸ بولدى. بٸراق ٶرت شىقپاعان. جىلىتۋ قازاندىعى ٸستەن شىققان بولۋى مٷمكٸن. سودان گاز جينالىپ, ەپ سەتتە جارىلىپ, 84 شارشى مەتر بولاتىن قابىرعا مەن شاتىرى قۇلادى. زارداپ شەككەن ەكٸ ادام اۋرۋحاناعا جەتكٸزٸلدٸ. ولاردىڭ جاعدايى قالىپتى»,-دەپ حابارلادى وبلىستىق تجد باسپاسٶز قىزمەتٸ.
ايتا كەتەيٸك, ٶرت قاۋٸپسٸزدٸگٸ ەرەجەسٸن قاتاڭ ساقتاۋ ەسكەرتٸلەدٸ. قانداي دا بٸر وقىس وقيعا بولسا دەرەۋ «101» «112» نٶمٸرلەرٸنە حابار بارۋ كەرەك.
