Aqtóbedegi «Kerýen city» saýda, oiyn-saýyq ortalyǵynda vaktsina egý pýnkti ashyldy, dep habarlaidy "Ult aqparat".
Búgin mobildi jyljymaly top saýda úiinde óz jumysyn bastady. Bul — óńirdegi saýda úiinde ashylǵan alǵashqy vaktsinalaý pýnkti.
«Vaktsinalaý pýnkti saǵat 10:00-18:00 aralyǵynda jumys isteidi. Munda №3 qalalyq emhana qyzmetkerleri jumyldyrylǵan. Pýnktke barlyq meditsinalyq jabdyq jetkizildi. Vaktsina qabyldamas buryn adamdar arnaiy tekserýden ótedi. Terapevttiń baqylaýynan soń ekpe beriledi. Talap bárine ortaq. Jasy 18-den asqan kez kelgen turǵyn immýndaýǵa qatysady», - dep habarlady oblystyq densaýlyq saqtaý basqarmasynyń baspasóz qyzmeti.
Eske salsaq, aqtóbelik munaishylar Saýd Arabiiasynda óndirilgen qytailyq «Sinofarm» vaktsinasyn qabyldaidy. 30 sáýir kúni óńirde eki komponentti 22 myń doza jetkiziledi.
