اقتٶبەدەگٸ «كەرۋەن city» ساۋدا, ويىن-ساۋىق ورتالىعىندا ۆاكتسينا ەگۋ پۋنكتٸ اشىلدى, دەپ حابارلايدى "ۇلت اقپارات".
بٷگٸن موبيلدٸ جىلجىمالى توپ ساۋدا ٷيٸندە ٶز جۇمىسىن باستادى. بۇل — ٶڭٸردەگٸ ساۋدا ٷيٸندە اشىلعان العاشقى ۆاكتسينالاۋ پۋنكتٸ.
«ۆاكتسينالاۋ پۋنكتٸ ساعات 10:00-18:00 ارالىعىندا جۇمىس ٸستەيدٸ. مۇندا №3 قالالىق ەمحانا قىزمەتكەرلەرٸ جۇمىلدىرىلعان. پۋنكتكە بارلىق مەديتسينالىق جابدىق جەتكٸزٸلدٸ. ۆاكتسينا قابىلداماس بۇرىن ادامدار ارنايى تەكسەرۋدەن ٶتەدٸ. تەراپەۆتتٸڭ باقىلاۋىنان سوڭ ەكپە بەرٸلەدٸ. تالاپ بەرٸنە ورتاق. جاسى 18-دەن اسقان كەز كەلگەن تۇرعىن يممۋنداۋعا قاتىسادى», - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
ەسكە سالساق, اقتٶبەلٸك مۇنايشىلار ساۋد ارابيياسىندا ٶندٸرٸلگەن قىتايلىق «سينوفارم» ۆاكتسيناسىن قابىلدايدى. 30 سەۋٸر كٷنٸ ٶڭٸردە ەكٸ كومپونەنتتٸ 22 مىڭ دوزا جەتكٸزٸلەدٸ.
