Keńqiiaq pen Shubarshi aýylyndaǵy oqýshy qyzdar tóbelesine qatysty tergeý bastalyp, qylmystyq is qozǵaldy, dep habarlaidy "Ult aqparat".
Aita keteiik, keshe Aqtóbe oblysy Temir aýdany Shubarshi aýylynda mektep oqýshylary tóbelesti. Olardyń kim ekeni anyqtalǵan. Bári - 8-9 synyp oqýshylary.
Aralarynda janjal bolyp, biri ony telefon kamerasyna túsirip alǵan.
«Mektep oqýshylarynyń biri 8-synyp oqýshysyn uryp-soqqan. Oqiǵa ornynda bolǵan qatarlastary ony uialy telefon kamerasyna túsirip alǵan. Atalǵan fakti negizinde Qylmystyq kodekstiń 293-baby 2-bóligi, iaǵni, buzaqylyq deregi boiynsha is tirkelip, sotqa deiingi tergeý júrgizilip jatyr. Bul faktini Temir aýdandyq politsiia bóliminiń kámeletke tolmaǵandar isi jónindegi inspektorlary anyqtady», - dep habarlady oblystyq PD baspasóz qyzmeti.
Qazirgi ýaqytta kámeletke tolmaǵandardyń ata-analaryn balalardy tiisinshe tárbielemegeni úshin jaýapqa tartý jaiy qaralyp jatyr.
«Ata-analardy balalaryn, ásirese jasóspirimderdi tárbieleý máselesine jaýapkershilikpen qaraýǵa shaqyramyz. Olar jasaǵan quqyq buzýshylyqtary úshin jaýapqa tartylatynyn bilýi tiis. Sonymen qatar, kámeletke tolmaǵandar isi jónindegi inspektorlar aýdannyń oqý oryndarynda profilaktikalyq áńgime júrgizdi», - dep túsindirdi Aqtóbe oblysy PD bastyǵy Atyǵai Arystanov.
