كەڭقيياق پەن شۇبارشي اۋىلىنداعى وقۋشى قىزدار تٶبەلەسٸنە قاتىستى تەرگەۋ باستالىپ, قىلمىستىق ٸس قوزعالدى, دەپ حابارلايدى "ۇلت اقپارات".
ايتا كەتەيٸك, كەشە اقتٶبە وبلىسى تەمٸر اۋدانى شۇبارشي اۋىلىندا مەكتەپ وقۋشىلارى تٶبەلەستٸ. ولاردىڭ كٸم ەكەنٸ انىقتالعان. بەرٸ - 8-9 سىنىپ وقۋشىلارى.
ارالارىندا جانجال بولىپ, بٸرٸ ونى تەلەفون كامەراسىنا تٷسٸرٸپ العان.
«مەكتەپ وقۋشىلارىنىڭ بٸرٸ 8-سىنىپ وقۋشىسىن ۇرىپ-سوققان. وقيعا ورنىندا بولعان قاتارلاستارى ونى ۇيالى تەلەفون كامەراسىنا تٷسٸرٸپ العان. اتالعان فاكتٸ نەگٸزٸندە قىلمىستىق كودەكستٸڭ 293-بابى 2-بٶلٸگٸ, ياعني, بۇزاقىلىق دەرەگٸ بويىنشا ٸس تٸركەلٸپ, سوتقا دەيٸنگٸ تەرگەۋ جٷرگٸزٸلٸپ جاتىر. بۇل فاكتٸنٸ تەمٸر اۋداندىق پوليتسييا بٶلٸمٸنٸڭ كەمەلەتكە تولماعاندار ٸسٸ جٶنٸندەگٸ ينسپەكتورلارى انىقتادى», - دەپ حابارلادى وبلىستىق پد باسپاسٶز قىزمەتٸ.
قازٸرگٸ ۋاقىتتا كەمەلەتكە تولماعانداردىڭ اتا-انالارىن بالالاردى تيٸسٸنشە تەربيەلەمەگەنٸ ٷشٸن جاۋاپقا تارتۋ جايى قارالىپ جاتىر.
«اتا-انالاردى بالالارىن, ەسٸرەسە جاسٶسپٸرٸمدەردٸ تەربيەلەۋ مەسەلەسٸنە جاۋاپكەرشٸلٸكپەن قاراۋعا شاقىرامىز. ولار جاساعان قۇقىق بۇزۋشىلىقتارى ٷشٸن جاۋاپقا تارتىلاتىنىن بٸلۋٸ تيٸس. سونىمەن قاتار, كەمەلەتكە تولماعاندار ٸسٸ جٶنٸندەگٸ ينسپەكتورلار اۋداننىڭ وقۋ ورىندارىندا پروفيلاكتيكالىق ەڭگٸمە جٷرگٸزدٸ», - دەپ تٷسٸندٸردٸ اقتٶبە وبلىسى پد باستىعى اتىعاي ارىستانوۆ.
