Koronavirýs juqtyrǵan Aqtóbe turǵyny Máskeýden ushyp kelgen. Qazir bir reispen kelgen 57 adam da oqshaýlandy, dep habarlaidy "Ult aqparat".
«Koronavirýs juqtyrǵan aqtóbelik 22 naýryz kúni saǵat 7:00-de Máskeýden kelgen reisten tústi. Qazir barlyǵy 68 adam jatyr aýrýhanada oqshaýlandy. Úi jaǵdaiynda 38 turǵyn bar. Olardyń jaǵdaiy da turaqty. Ár adam jeke bas gigienasyn saqtaýy tiis», - dedi oblystyq densaýlyq saqtaý basqarmasynyń basshysy Áset Qaliev.
Áset Qaliev qalany karantin máselesi de áli kóterilmegenin aitty. Eger adam sany kóbeise suraq qaralady.
«Osy aptada qosymsha 4,5 million betperde jetkiziledi. Sonymen qatar, arnaiy tsehta táýligine 10 myń dana meditsinalyq betperde daiyndalyp jatyr. Ári 5 myń ekspress test bar. 2 saǵatta anyqtalady. Qosymsha analiz Almaty qalasyna jiberilip jatyr. Barlyǵy 20 teplovizor jumys istep tur», - dedi Áset Qaliev.
Eske salsaq, keshe Aqtóbe qalasynda koronavirýs juqtyrýdyń alǵashqy oqiǵasy tirkelgeni týraly habarlaǵan bolatynbyz.
