Qazaqstandyq boksshy Baýyrjan Áli halyqaralyq BoxRec reitinginde óz salmaq dárejesi boiynsha 9-orynǵa kóterildi, dep habarlaidy ult.kz.
Baýyrjan Áli – Qazaqstan Respýblikasy IIM Bárimbek Beisenov atyndaǵy Qaraǵandy akademiiasynyń 4-kýrs kýrsanty, politsiia serjanty. Ol Jambyl oblysy Politsiia departamentiniń «Arlan» sport klýbynyń namysyn qorǵaidy.
Foto: Jambyl oblysynyń boks federatsiiasynyń muraǵatynan
Boksshy Qazaqstan Respýblikasynyń sport sheberi atanǵan. Jasóspirimder men jastar arasynda eki ret Qazaqstan chempiony bolyp, Aziia chempionaty men Álem kýbogynda júldege ie bolǵan. Kásipqoi boksta da óner kórsetip júr.
BoxRec reitingindegi 9-oryn Baýyrjan Álidiń kásipqoi bokstaǵy nátijeleriniń halyqaralyq deńgeide baǵalanyp otyrǵanyn kórsetedi. Sporttaǵy jetistikteri úshin ol «Qazaqstan Respýblikasynyń qurmetti sport qyzmetkeri» tósbelgisimen jáne QR Sport jáne týrizm ministriniń Qurmet gramotasymen marapattalǵan.
Baýyrjan Áli oqýyn politsiia qyzmetimen jáne kásibi sportpen qatar alyp kele jatqan jas sportshylardyń biri.
