Aqtóbede eki jigittiń ólimine qatysy bar degen kúdikpen 13 adam ustaldy, – dep habarlaidy "Ult aqparat" Polisia.kz portalyna silteme jasap.
Oblystyq Politsiia departamenti Aqtóbe qalasyndaǵy túngi klýbtardyń birinde eki adamdy óltirý deregi boiynsha qylmystyq isti tergeýdi jalǵastyryp jatyr. Bul qylmysqa qatysýshylardyń barlyǵy ustalyp, sottyń qaýlysymen tergeý merzimine qamaýǵa alynǵan.
"Qylmysty jasady degen kúdikpen 13 adam ustaldy. Olardyń basqa da qylmystarǵa qatystylyǵy tekserilip jatyr. Sonymen qatar osy aýyr qylmystyń jasalǵany týraly aitpaǵany jáne ýaqytyly meditsinalyq kómek kórsetý sharalaryn qabyldamaǵany úshin túngi klýb direktory ustaldy. Bul klýbtyń litsenziiasynyń kúshin joiý jáne ony jabý týraly sotqa talap engiziledi.
Aldaǵy ýaqytta qylmystyq isti tergep-tekserý aiasynda Politsiia departamentiniń bastamasymen barlyq kóńil kóterý oryndary azamattardyń qaýipsizdigi talaptarynyń saqtalýyna, litsenziiasy bar kúzet sýbektileriniń tartylýyna tekseriledi. Qylmystyq istiń tergelý barysy týraly aqparat qoǵamǵa qadaǵalaý organymen kelisim boiynsha usynylatyn bolady" - delingen PD habarlamasynda.
