اقتٶبەدە ەكٸ جٸگٸتتٸڭ ٶلٸمٸنە قاتىسى بار دەگەن كٷدٸكپەن 13 ادام ۇستالدى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
وبلىستىق پوليتسييا دەپارتامەنتٸ اقتٶبە قالاسىنداعى تٷنگٸ كلۋبتاردىڭ بٸرٸندە ەكٸ ادامدى ٶلتٸرۋ دەرەگٸ بويىنشا قىلمىستىق ٸستٸ تەرگەۋدٸ جالعاستىرىپ جاتىر. بۇل قىلمىسقا قاتىسۋشىلاردىڭ بارلىعى ۇستالىپ, سوتتىڭ قاۋلىسىمەن تەرگەۋ مەرزٸمٸنە قاماۋعا الىنعان.
"قىلمىستى جاسادى دەگەن كٷدٸكپەن 13 ادام ۇستالدى. ولاردىڭ باسقا دا قىلمىستارعا قاتىستىلىعى تەكسەرٸلٸپ جاتىر. سونىمەن قاتار وسى اۋىر قىلمىستىڭ جاسالعانى تۋرالى ايتپاعانى جەنە ۋاقىتىلى مەديتسينالىق كٶمەك كٶرسەتۋ شارالارىن قابىلداماعانى ٷشٸن تٷنگٸ كلۋب ديرەكتورى ۇستالدى. بۇل كلۋبتىڭ ليتسەنزيياسىنىڭ كٷشٸن جويۋ جەنە ونى جابۋ تۋرالى سوتقا تالاپ ەنگٸزٸلەدٸ.
الداعى ۋاقىتتا قىلمىستىق ٸستٸ تەرگەپ-تەكسەرۋ اياسىندا پوليتسييا دەپارتامەنتٸنٸڭ باستاماسىمەن بارلىق كٶڭٸل كٶتەرۋ ورىندارى ازاماتتاردىڭ قاۋٸپسٸزدٸگٸ تالاپتارىنىڭ ساقتالۋىنا, ليتسەنزيياسى بار كٷزەت سۋبەكتٸلەرٸنٸڭ تارتىلۋىنا تەكسەرٸلەدٸ. قىلمىستىق ٸستٸڭ تەرگەلۋ بارىسى تۋرالى اقپارات قوعامعا قاداعالاۋ ورگانىمەن كەلٸسٸم بويىنشا ۇسىنىلاتىن بولادى" - دەلٸنگەن پد حابارلاماسىندا.
