Temir aýdany Tasqopa aýylynda tabylǵan eskertkish birer jyl boiy zerttelmek, dep habarlaidy "Ult aqparat".
Á. Marǵulan atyndaǵy arheologiia institýty Aqtóbe oblysynyń ejelgi tarihyn zertteýge, tarihi-mádeni murasyn nasihattaýǵa baǵyttalǵan bes ǵylymi-zertteý jobasyn júzege asyrdy. Sonyń biri - erte kóshpendilerdiń elitalyq eskertkishterin arheologiialyq turǵyda zertteý.
«Tamyz aiynan bastap úsh ai boiy arheologiialyq zertteý júrgizildi. Tasqopa aýylynan biregei qorym tabylyp, qundy dúnie tabyldy. Altyn buiymdar kóp shyqty. Tonalǵanyna qaramastan jaqsy saqtalǵan eken. Qazba jumysy kezinde topyraǵymen birge alyndy. Aldaǵy ýaqytta keshendi túrde júrgiziledi. Boljam boiynsha sarmat taipasynyń kósemi jerlegen bolýy múmkin. Eskertkish erte temir dáýirine jatady», - Álkei Marǵulan atyndaǵy arheologiialyq institýttyń Nur-Sultan qalalyq filial direktory Talǵat Mamenov. Arheologtardyń aitýynsha, qorymdy tonaý jii kezdesedi. Degenmen bul joly tabylǵan altyn buiymdar ǵylym úshin jańalyq ashýǵa jetkilikti. «Esik qalasynda tabylǵan «Altyn adamda» keibir jádigerge aǵashqa altyn jalatylǵan bolatyn. Al Tasqopada tabylǵan jádigerde temirge altyn jalatylǵan», - ǵylymi qyzmetker Darhan Baitileýov.
Eske salsaq, Tasqopa aýylynda «Altyn adam» tabyldy. Qorymnyń erterekte tonalǵanyna qaramastan arheologtar muny sensatsiialyq jańalyqqa balady.
