تەمٸر اۋدانى تاسقوپا اۋىلىندا تابىلعان ەسكەرتكٸش بٸرەر جىل بويى زەرتتەلمەك, دەپ حابارلايدى "ۇلت اقپارات".
ە. مارعۇلان اتىنداعى ارحەولوگييا ينستيتۋتى اقتٶبە وبلىسىنىڭ ەجەلگٸ تاريحىن زەرتتەۋگە, تاريحي-مەدەني مۇراسىن ناسيحاتتاۋعا باعىتتالعان بەس عىلىمي-زەرتتەۋ جوباسىن جٷزەگە اسىردى. سونىڭ بٸرٸ - ەرتە كٶشپەندٸلەردٸڭ ەليتالىق ەسكەرتكٸشتەرٸن ارحەولوگييالىق تۇرعىدا زەرتتەۋ.
«تامىز ايىنان باستاپ ٷش اي بويى ارحەولوگييالىق زەرتتەۋ جٷرگٸزٸلدٸ. تاسقوپا اۋىلىنان بٸرەگەي قورىم تابىلىپ, قۇندى دٷنيە تابىلدى. التىن بۇيىمدار كٶپ شىقتى. تونالعانىنا قاراماستان جاقسى ساقتالعان ەكەن. قازبا جۇمىسى كەزٸندە توپىراعىمەن بٸرگە الىندى. الداعى ۋاقىتتا كەشەندٸ تٷردە جٷرگٸزٸلەدٸ. بولجام بويىنشا سارمات تايپاسىنىڭ كٶسەمٸ جەرلەگەن بولۋى مٷمكٸن. ەسكەرتكٸش ەرتە تەمٸر دەۋٸرٸنە جاتادى», - ەلكەي مارعۇلان اتىنداعى ارحەولوگييالىق ينستيتۋتتىڭ نۇر-سۇلتان قالالىق فيليال ديرەكتورى تالعات مامەنوۆ. ارحەولوگتاردىڭ ايتۋىنشا, قورىمدى توناۋ جيٸ كەزدەسەدٸ. دەگەنمەن بۇل جولى تابىلعان التىن بۇيىمدار عىلىم ٷشٸن جاڭالىق اشۋعا جەتكٸلٸكتٸ. «ەسٸك قالاسىندا تابىلعان «التىن ادامدا» كەيبٸر جەدٸگەرگە اعاشقا التىن جالاتىلعان بولاتىن. ال تاسقوپادا تابىلعان جەدٸگەردە تەمٸرگە التىن جالاتىلعان», - عىلىمي قىزمەتكەر دارحان بايتٸلەۋوۆ.
ەسكە سالساق, تاسقوپا اۋىلىندا «التىن ادام» تابىلدى. قورىمنىڭ ەرتەرەكتە تونالعانىنا قاراماستان ارحەولوگتار مۇنى سەنساتسييالىق جاڭالىققا بالادى.
