Aqtóbede jol erejesin buzyp, kýáliginen aiyrylǵan júrgizýshi mektep oqýshylaryn tasymaldaǵan. Qazir osy iske qatysty qylmystyq is qozǵaldy, dep habarlaidy "Ult aqparat".
Óńirde «Avtobýs» jedel aldyn alý sharasy ótip jatyr.
Patrýldik politsiia qyzmetkerleri «Aqtóbe-Orsk» avtojolynda Ýkrainka aýylynan Aqjar aýylyndaǵy mektepke qatynap oqityn oqýshylar avtobýsyn toqtatty.
Qujat tekserý kezinde mektep avtobýsy júrgizýshisiniń jol-kólik oqiǵasyn jasaǵany jáne oqiǵa ornynan ketip qalǵany úshin 1 jyl 9 aiǵa júrgizýshi kýáliginen aiyrylǵany anyqtaldy.
«Politsiia qyzmetkerleri jolaýshylar tasymaldaityn «PAZ» qoǵamdyq kóliginiń taǵy bir júrgizýshisiniń zańǵa baǵynbaǵanyn anyqtady. Belgili bolǵandai, ótken jyly júrgizýshi mas kúiinde kólik júrgizgeni úshin kólik quralyn basqarý quqyǵynan aiyrylǵan. «Avtobýs» jedel aldyn alý sharasy keshe bastaldy. Eki kúnde 240 buzýshylyq anyqtaldy. Onyń 12-i jyldamdyqty arttyrsa, 40-y kólik quralyn basqarý kezinde telefondy nemese radiostantsiiany paidalanǵan.
Aita ketý kerek, belsendi azamattyq ustanym tanytqan turǵyndar 50-den astam buzýshylyq anyqtap, politsiiaǵa foto-video material jiberdi.
