اقتٶبەدە جول ەرەجەسٸن بۇزىپ, كۋەلٸگٸنەن ايىرىلعان جٷرگٸزۋشٸ مەكتەپ وقۋشىلارىن تاسىمالداعان. قازٸر وسى ٸسكە قاتىستى قىلمىستىق ٸس قوزعالدى, دەپ حابارلايدى "ۇلت اقپارات".
ٶڭٸردە «اۆتوبۋس» جەدەل الدىن الۋ شاراسى ٶتٸپ جاتىر.
پاترۋلدٸك پوليتسييا قىزمەتكەرلەرٸ «اقتٶبە-ورسك» اۆتوجولىندا ۋكراينكا اۋىلىنان اقجار اۋىلىنداعى مەكتەپكە قاتىناپ وقيتىن وقۋشىلار اۆتوبۋسىن توقتاتتى.
قۇجات تەكسەرۋ كەزٸندە مەكتەپ اۆتوبۋسى جٷرگٸزۋشٸسٸنٸڭ جول-كٶلٸك وقيعاسىن جاساعانى جەنە وقيعا ورنىنان كەتٸپ قالعانى ٷشٸن 1 جىل 9 ايعا جٷرگٸزۋشٸ كۋەلٸگٸنەن ايىرىلعانى انىقتالدى.
«پوليتسييا قىزمەتكەرلەرٸ جولاۋشىلار تاسىمالدايتىن «پاز» قوعامدىق كٶلٸگٸنٸڭ تاعى بٸر جٷرگٸزۋشٸسٸنٸڭ زاڭعا باعىنباعانىن انىقتادى. بەلگٸلٸ بولعانداي, ٶتكەن جىلى جٷرگٸزۋشٸ ماس كٷيٸندە كٶلٸك جٷرگٸزگەنٸ ٷشٸن كٶلٸك قۇرالىن باسقارۋ قۇقىعىنان ايىرىلعان. «اۆتوبۋس» جەدەل الدىن الۋ شاراسى كەشە باستالدى. ەكٸ كٷندە 240 بۇزۋشىلىق انىقتالدى. ونىڭ 12-ٸ جىلدامدىقتى ارتتىرسا, 40-ى كٶلٸك قۇرالىن باسقارۋ كەزٸندە تەلەفوندى نەمەسە راديوستانتسييانى پايدالانعان.
ايتا كەتۋ كەرەك, بەلسەندٸ ازاماتتىق ۇستانىم تانىتقان تۇرعىندار 50-دەن استام بۇزۋشىلىق انىقتاپ, پوليتسيياعا فوتو-ۆيدەو ماتەريال جٸبەردٸ.
