«Samara–Shymkent» tasjolynda qalyp qoiǵan avtobýs jolaýshysynyń júregi toqtap qalǵan. Bul týraly oblystyq politsiia departamenti málimdedi, dep habarlaidy "Ult aqparat".
«5 qarasha kúni saǵat 06:40-ta avtobýs ishinen Tájikstan azamatynyń denesi tabyldy. Ol Reseiden Tájikstanǵa baǵyt alǵan avtobýsta bolǵan. Denesi Hromtaý aýdandyq aýrýhanasyna jetkizilip, saraptama júrgizildi. Nátijesinde jolaýshynyń júrektiń ishemiialyq aýrýynan jan tapsyrǵany belgili boldy. Denesinde zorlyq-zombylyq belgisi men úsik shalý joq», - dedi oblystyq PD baspasóz qyzmetiniń jetekshisi Erbolat Sarqulov.
Avtobýs Yrǵyz aýdany mańynda joldyń ashylýyn kútken.
Aita keteiik, keshe Samara-Shymkent tasjolynda júzdegen kólik turyp qaldy. TJD qutqarý jumystaryn júrgizip, keshke jaqyn jeńil kóliktiń júrýine ruqsat berdi.
