Reseiden Túrkistanǵa baǵyt alǵan avtobýs jolda toqtap qaldy. Jolaýshylardy politsiia, tótenshe jaǵdailar qyzmeti men jol tazalaýshylar jylytý beketine jetkizdi, dep habarlaidy "Ult aqparat".
Respýblikalyq mańyzy bar Samara-Shymkent tasjolynda baqylaý júrgizgen politsiia qyzmetkerleri toqtap turǵan avtobýsty baiqaǵan. Tekserý barysynda avtobýstyń Reseidiń Samara qalasynan Túrkistan oblysynyń Saryaǵash qalasyna bet alǵany anyqtaldy. Salonda 55 jolaýshysy bar avtobýstyń jolda jylytý júiesi qatyp qalǵan. Patrýldik politsiia jasaǵy, tótenshe jaǵdailar departamentiniń qyzmetkerleri men «Qazavtojol» mekemesiniń mamandarymen birlesip, jolda qalǵan azamattardy evakýatsiialady.
«Avtobýstaǵy 55 jolaýshyny Hromtaý aýdanyna qarasty Bógetsai aýylynyń aýyldyq klýbyna jetkizdi. Olarǵa ystyq shai berip, tamaqtandyryp, ornalastyrdy. Tártip saqshylary men TJD qyzmetkerleri avtobýstyń aqaýyn jóndep, jolaýshylarǵa der kezinde kómek kórsetip jatyr. Aýa raiynyń kúrt buzylýyna bailanysty Aqtóbe oblysy politsiia departamenti, TJD jáne jol qyzmetkerleri ózara jedel aqparat almasyp, keptelisterdi joiý, tótenshe jaǵdailardyń aldyn alý sharasyn júrgizip jatyr. Ortaq aqparattyq bailanys ornady», - dedi oblystyq PD baspasóz qyzmetiniń jetekshisi Erbolat Sarqulov.
