رەسەيدەن تٷركٸستانعا باعىت العان اۆتوبۋس جولدا توقتاپ قالدى. جولاۋشىلاردى پوليتسييا, تٶتەنشە جاعدايلار قىزمەتٸ مەن جول تازالاۋشىلار جىلىتۋ بەكەتٸنە جەتكٸزدٸ, دەپ حابارلايدى "ۇلت اقپارات".
رەسپۋبليكالىق ماڭىزى بار سامارا-شىمكەنت تاسجولىندا باقىلاۋ جٷرگٸزگەن پوليتسييا قىزمەتكەرلەرٸ توقتاپ تۇرعان اۆتوبۋستى بايقاعان. تەكسەرۋ بارىسىندا اۆتوبۋستىڭ رەسەيدٸڭ سامارا قالاسىنان تٷركٸستان وبلىسىنىڭ سارىاعاش قالاسىنا بەت العانى انىقتالدى. سالوندا 55 جولاۋشىسى بار اۆتوبۋستىڭ جولدا جىلىتۋ جٷيەسٸ قاتىپ قالعان. پاترۋلدٸك پوليتسييا جاساعى, تٶتەنشە جاعدايلار دەپارتامەنتٸنٸڭ قىزمەتكەرلەرٸ مەن «قازاۆتوجول» مەكەمەسٸنٸڭ ماماندارىمەن بٸرلەسٸپ, جولدا قالعان ازاماتتاردى ەۆاكۋاتسييالادى.
«اۆتوبۋستاعى 55 جولاۋشىنى حرومتاۋ اۋدانىنا قاراستى بٶگەتساي اۋىلىنىڭ اۋىلدىق كلۋبىنا جەتكٸزدٸ. ولارعا ىستىق شاي بەرٸپ, تاماقتاندىرىپ, ورنالاستىردى. تەرتٸپ ساقشىلارى مەن تجد قىزمەتكەرلەرٸ اۆتوبۋستىڭ اقاۋىن جٶندەپ, جولاۋشىلارعا دەر كەزٸندە كٶمەك كٶرسەتٸپ جاتىر. اۋا رايىنىڭ كٷرت بۇزىلۋىنا بايلانىستى اقتٶبە وبلىسى پوليتسييا دەپارتامەنتٸ, تجد جەنە جول قىزمەتكەرلەرٸ ٶزارا جەدەل اقپارات الماسىپ, كەپتەلٸستەردٸ جويۋ, تٶتەنشە جاعدايلاردىڭ الدىن الۋ شاراسىن جٷرگٸزٸپ جاتىر. ورتاق اقپاراتتىق بايلانىس ورنادى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
