Aqtóbe oblysynda barlyq bazar jumysyn jandandyrdy. Sonymen birge meiramhanalar ózge qoǵamdyq tamaqtaný oryndary sekildi adamdardy qabyldaidy, dep habarlaidy "Ult aqparat".
Aqtóbe oblysynyń bas sanitariia dárigeriniń qaýlysyna sáikes bankter, halyqqa qyzmet kórsetý ortalyqtary men poshta bólimsheleri saǵat 09:00-18:00 aralyǵynda jumys isteidi. Ashyq jobasyna engizilgen jazǵy alańdar, meiramhana, dámhana jáne kofehana tipti qoǵamdyq tamaqtaný obektileri saǵat 07:00-den 24.00-ge deiin ashyq bolady.
«Dini obektilerdiń jumysyna, iaǵni, meshit, pravoslav shirkeýi jáne basqa da dini obektiler aýmaǵynda ujymdyq dini is-sharalardy, onyń ishinde juma namazy, kúndelikti pravoslaviia duǵalary jáne basqa rásimdi ashyq aýada ótkizýge ruqsat. Tek betperde rejimi saqtalady. Bir adamǵa keminde 4 sharshy metr jer tiesili. Al jabyq úi-jailarda ujymdyq is-sharany ótkizýge bolmaidy. Teatr, kinoteatr, kontsert zaldary, filarmoniialarda syiymdylyqtyń 20 paiyzynda ǵana kórermendi kirgizýge ruqsat beriledi. Ashyq aýada jumys isteitin attraktsiondarda da sanitarlyq talap saqtalýy tiis. Balalardy saýyqtyrý uiymdary da syiymdylyqtyń 50 paiyzymen adam qabyldai alady. Ashyq jobasy arqyly sport jarystaryna jankúierler kirgiziledi. Bazarlar, saýda úileri, jeliler, dúkender, monshalar jáne t.b. jumysyna esh shekteý qoiylmaidy», - dep habarlady oblystyq sanitariialyq-epidemiologiialyq baqylaý departamentiniń baspasóz qyzmeti.
