Ulttyq gvardiianyń 6655 áskeri bólimine qarýly shabýyl kezinde qaza tapqan áskerilerge ornatylǵan eskertkish taqta. Aqtóbe, 10 qańtar 2017 jyl
Aqtóbede búgin Ulttyq gvardiianyń 6655 áskeri bólimi aýmaǵyna 2016 jyldyń maýsymynda bolǵan qarýly shabýyldardyń qurbandaryna arnalǵan taqtasha ilindi, - dep habarlaidy "Ult aqparat" Azattyqqa silteme jasap.
Estelik taqtaisha áskeri bólim aýmaǵyndaǵy burynnan bar Ekinshi dúniejúzilik soǵys jyldary qaza tapqan shekarashylarǵa ornatylǵan eskertkishke ilindi. Taqtaishaǵa qarýly shabýyl kezinde oqqa ushqan maior Daniel Mailybaev, kishi serjant Berikjan Qaliev, qatardaǵy sarbaz Dosbol Sapardyń aty-jóni jáne olardyń qaza tapqan soń memlekettik nagradalarmen marapattalǵany jazylǵan.
Taqtaishany ornatý sharasyna marqumdardyń týystary, oblys basshylyǵy, áskeri bólim basshylary qatysty.
Byltyr maýsymnyń 5-inde Aqtóbede 30 shaqty adam eki qarý-jaraq dúkenine shabýyldap, ulttyq gvardiianyń 6655-áskeri bólimin basyp alýǵa tyrysqan. Shabýyl men atystan resmi málimet boiynsha 7 adam qaza taýyp, 40 shaqty adam jaralanǵan. Alty kúnge sozylǵan arnaiy operatsiia kezinde "dini radikal", "qarýly shabýylshy" dep sipattalǵan 18 adamnyń kózi joiylyp, 29 adam ustalǵan. Qarashanyń 29-y kúni Aqtóbe oblystyq soty shabýylǵa qatysty 29 adamdy túrli merzimge sottaǵan.
