Aqtóbede selfi jasap, temirjol boiynda sýretke túsken qyz aýrýhanada kóz jumdy, dep habarlaidy "Ult aqparat".
Oqiǵa 4 jeltoqsan kúni bolǵan. Saǵat saǵat 23:00 shamasynda Áýe qalashyǵy aýdanyndaǵy temirjol boiynsha eki qyz selfi jasap, sýretke túsken.
«Eki qyz kele jatqan poiyzdyń fonynda, selfi jasaǵan. Sol kezde qyzdardyń birin poiyz qaǵyp ketti. Zardap shegýshi Aqtóbe qalasynyń jedel járdem aýrýhanasyna jetkizildi, sol jerde búgin tańerteń kóz jumdy. Osyǵan bailanysty politsiia departamenti jaiaý júrginshilerdi temirjol mańynda, avtojoldarda saq bolýdy eskertedi», - dep habarlady oblystyq PD baspasóz qyzmetiniń jetekshisi Erbolat Sarqulov.
Aita keteiik, qarasha aiynda Aqtóbe oblysynyń joldarynda 43 jaiaý júrginshi zardap shekti, onyń altaýy qaza boldy. Jyl basynan beri jol-kólik apatynan 17 adam kóz jumǵan.
«Politsiia qyzmetkerleri jol qozǵalysy erejelerin qatań saqtaýdy eskertedi. Jaiaý júrginshiler tasjoldy kesip óter kezde kóliktiń baǵyty men jyldamdyǵyn qarap, toqtaǵan kezde ǵana qozǵalýy tiis. Búgingi kúni oblys politseileri belgilenbegen jerden ótken 14 myńnan astam azamatty ákimshilik jaýapkershilikke tartty. Bul ótken jyldyń osy kezeńimen salystyrǵanda 2 myń adamǵa kóp», - dedi Erbolat Sarqulov.
