اقتٶبەدە سەلفي جاساپ, تەمٸرجول بويىندا سۋرەتكە تٷسكەن قىز اۋرۋحانادا كٶز جۇمدى, دەپ حابارلايدى "ۇلت اقپارات".
وقيعا 4 جەلتوقسان كٷنٸ بولعان. ساعات ساعات 23:00 شاماسىندا ەۋە قالاشىعى اۋدانىنداعى تەمٸرجول بويىنشا ەكٸ قىز سەلفي جاساپ, سۋرەتكە تٷسكەن.
«ەكٸ قىز كەلە جاتقان پويىزدىڭ فونىندا, سەلفي جاساعان. سول كەزدە قىزداردىڭ بٸرٸن پويىز قاعىپ كەتتٸ. زارداپ شەگۋشٸ اقتٶبە قالاسىنىڭ جەدەل جەردەم اۋرۋحاناسىنا جەتكٸزٸلدٸ, سول جەردە بٷگٸن تاڭەرتەڭ كٶز جۇمدى. وسىعان بايلانىستى پوليتسييا دەپارتامەنتٸ جاياۋ جٷرگٸنشٸلەردٸ تەمٸرجول ماڭىندا, اۆتوجولداردا ساق بولۋدى ەسكەرتەدٸ», - دەپ حابارلادى وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, قاراشا ايىندا اقتٶبە وبلىسىنىڭ جولدارىندا 43 جاياۋ جٷرگٸنشٸ زارداپ شەكتٸ, ونىڭ التاۋى قازا بولدى. جىل باسىنان بەرٸ جول-كٶلٸك اپاتىنان 17 ادام كٶز جۇمعان.
«پوليتسييا قىزمەتكەرلەرٸ جول قوزعالىسى ەرەجەلەرٸن قاتاڭ ساقتاۋدى ەسكەرتەدٸ. جاياۋ جٷرگٸنشٸلەر تاسجولدى كەسٸپ ٶتەر كەزدە كٶلٸكتٸڭ باعىتى مەن جىلدامدىعىن قاراپ, توقتاعان كەزدە عانا قوزعالۋى تيٸس. بٷگٸنگٸ كٷنٸ وبلىس پوليتسەيلەرٸ بەلگٸلەنبەگەن جەردەن ٶتكەن 14 مىڭنان استام ازاماتتى ەكٸمشٸلٸك جاۋاپكەرشٸلٸككە تارتتى. بۇل ٶتكەن جىلدىڭ وسى كەزەڭٸمەن سالىستىرعاندا 2 مىڭ ادامعا كٶپ», - دەدٸ ەربولات سارقۇلوۆ.
