Aqtóbede taǵy da stýdentter tóbelesip, bireýi pyshaq jaraqatymen aýyrhanaǵa tústi, dep habarlaidy QazAqparat.
Búgin saǵat 10:00-de Aqtóbe qalasyndaǵy jedel járdem aýrýhanasyna pyshaq jaraqatyn alǵan Q.Jubanov atyndaǵy AÓMÝ kolledjiniń 2 kýrs stýdenti jetkizildi.
«Aqtóbe qalalyq politsiia basqarmasynyń №1 politsiia bólimi QR QK-niń 24-3, 99-babynyń 2-bóligimen «Adam óltirýge oqtalý» boiynsha qylmystyq is tirkeldi. Atalǵan qylmysty jasady degen kúdikpen Q.Jubanov atyndaǵy Aqtóbe óńirlik memlekettik ýniversittiniń 2 kýrs stýdenti ustaldy. Qylmys quraly pyshaq tárkilendi. Tergeý áreketteri júrgizilýde», - dedi oblystyq PD baspasóz qyzmetiniń jetekshisi Erbolat Sarqulov.
Eske salsaq, 5 aqpan kúni stýdentter arasynda tóbeles boldy. Oqiǵa Q.Jubanov ýniversitetiniń jataqhanasynyń mańynda tirkelgen. Pyshaq jaraqatyn alǵan stýdentke ota jasalyp, aýrýhanada em qabyldap jatyr.
