Foto: ashyq derekkóz
Aqtóbe qalalyq sotyna qala turǵyny úi jaǵdaiynda jasalǵan blefaroplastika (qabaqtyń plastikalyq otasy) operatsiiasynan keiin meditsinalyq jáne moraldyq shyǵyndy óndirý týraly talappen júgindi, dep habarlaidy "Ult aqparat" Aqtóbe sotynyń baspasóz qyzmetine silteme jasap.
Talap qoiýshy Instagram jelisinen kórgen jarnama arqyly 2023 jyldyń 4 tamyzynda jaýapkerdiń jaldamaly páterinde ota jasatýǵa kelisedi. Birinshi operatsiiadan keiingi bir apta ótken soń, áiel kózi asimmetriialy bolǵanyn baiqap, 15 tamyzda ekinshi ota jasatýǵa májbúr bolady. Alaida, ekinshi ota barysynda jaýapker oń qabaqtyń terisin tym tereń kesip, kirpiktermen birge alyp tastaǵandyqtan, talap qoiýshynyń qan ketýi toqtamaidy. Jaraqatty lazermen kúidirip, qan ketýdi toqtatýǵa tyrysqanymen, áiel densaýlyǵyna ziian keltirip, meditsinalyq kómekke júginýge májbúr bolady.
Áiel qazirde qabaǵy tolyq jabylmaityndyqtan, jumystan shyǵyp, emdelý jáne ońaltý sharalaryn ótep jatyr. Sottyń qaraý barysynda anyqtalǵandai, jaýapkerdiń plastikalyq hirýrgiia boiynsha litsenziiasy joq, tek feldsher retinde sertifikaty ǵana bar ekeni belgili boldy.
Sot sheshimimen jaýapker talap qoiýshyǵa 80 myń teńge kólemindegi operatsiia shyǵynyn óz erkimen qaitarǵan, biraq sot qosymsha 235 myń teńge materialdyq shyǵyn jáne 1 million teńge moraldyq ziian tóleýdi mindettedi.
Bul sot sheshimi zańdy kúshine endi.
